Vul die vorm hieronder in en ons sal u terugskakel

Agtergrond

Hoërskool Waterkloof Konsertorkes is sedert 2004 die SA Ope-Kampioene. Die orkes bestaan gewoonlik uit tussen 30 en 40 orkeslede wat daarin belangstel om musiek te maak in ´n omgewing van puik musikante en geleenthede.

Die orkes neem enige leerder, wat daarin belangstel om deel te word van ´n groep puik musikante, in.

Die orkes gebruik die volgende:
Viool, viola, tjello, dwarsfluit, klarinet, saksofoon, tromboon, trompet, bariton, eufonium, tuba, dromstel, klavier, kitare, ensovoorts.

Die Hoërskool Waterkloof Konsertorkes is by die Suid-Afrikaanse Konsert- en Marsorkesvereniging (SAMOV) geaffilieer.

American All Stars Internasionale Kompetisie

Die orkes is die eerste orkes in Afrika om uitgenooi te word om Suid-Afrika in Mei 2006 in Orlando, VSA tydens die American All Stars internasionale kompetisie, te verteenwoordig. Die orkes wen die Konsertorkesafdeling in die AAAA-Kategorie en word ook as die orkes met die beste algemene indruk en dissipline aangewys .

Die orkes het  gedurende 2009 op uitnodiging in Wenen (Oostenryk), Praag (Tsjeggiese Republiek) en Duitsland opgetree.

Optredes

Orkesoptredes sluit o.a. in: Kunstefeeste, optredes in die Staatsteater, tydens sportdae, kultuurfunksies en kultuurfeeste, formele funksies van skole, kerke, kermisse, ko-operatiewe funksies, ouetehuise, skoue... enige plek waar die Klofies die gemeenskap kan dien! Individuele orkeslede tree ook op by enige tipe funksie waar slegs enkelmusikante of ´n ensemble benodig word.

Mnr. Danie Smith by 012-3470277/8  This e-mail address is being protected from spambots. You need JavaScript enabled to view it