Krieket

Kontakpersoon: Cobus Pienaar

Kontakbesonderhede: 012 347 7707

Die skool skryf veertien spanne vir die plaaslike Northerns-liga in. Wedstryde word in die eerste, derde en vierde kwartaal gespeel. Verskeie kriekettoere word tydens Januarie én die wintervakansie onderneem. Waterkloof se eerste span toer elke derde jaar oorsee met die laaste toer in 2017. Die 2020-toer is weens Covid-19 gekanselleer. Die beplanning vir die volgende toer het reeds afgeskop. Jaarlikse derbies word teen top krieketskole in die land gespeel.

Krieket word as ‘n vak tydens skoolure vir graad 8 en 9 aangebied. Basiese vaardighede en tegniese aspekte kry aandag. Die kurrikulum bestaan uit ‘n teoretiese en praktiese afdeling. ‘n Jaarlikse heffing is betaalbaar.

Waterkloof is ook een van die gesamentlike skole wat die jaarlikse Noord-Suid T20 aanbied vir top skole landswyd.

Oud-Klofies presteer baie goed op franchise-vlak vir die Titans, Cobras, Knights en die Lions.  Hulle vaar ook goed by die onderskeie universiteite en hou Klofies se naam hoog by die Varsity-beker.

Roelof van der Merwe was lid van die Protea-span en speel huidiglik vir Nederland. Hardus Viljoen het sy toetsdebuut vir Suid-Afrika in 2016 teen Engeland gemaak.  Hy speel ook in verskeie T20-kompetisies wêreldwyd. Janneman Malan het in 2018 sy T20 debuut vir Suid-Afrika gemaak teen Sri Lanka. Hy was deel van die SA-eendagspan in die toetsreeks teen Engeland in 2020. Sy broer, Pieter Malan, het sy toetsdebuut in Januarie 2020 vir Suid-Afrika teen Engeland gemaak.

Ons is baie trots op die volgende oud-Klofies wat tans franchise-krieket speel:

Janneman Malan
Pieter Malan
Rubin Hermann
Willie Ludick
Danru Ferns
Roelof van der Merwe
Migael Pretorius

Die o.15A-span het die Noordvaal Gunn & Moore-reeks sedert 2014 elke jaar gewen en was naaswenners in 2019.  Die eerste span het dié reeks sewe keer sedert 2007 gewen, onder andere in 2015, 2016, 2017 én 2019.

Die eerste span was in 2020 die nasionale franchise T20-kampioene. Hoërskool Waterkloof was in 2019 en 2020 die Titans franchise-wenners wat aan die nasionale toernooi deelgeneem het.


Hoërskool Waterkloof spog ook jaarliks met verskeie krieketspelers wat Northerns by die nasionale weke verteenwoordig.

Hoërskool Waterkloof het ook ‘n akademie (Future Klofies) vir jong laerskool krieketspelers vir graad 2 tot graad 7-leerders. Die akademie vind op Woensdae en Vrydaemiddae plaas. Vir meer inligting kontak Ruan Sadler 012 347 7707.

*Raadpleeg asb. die d6-Kommunikeerder vir opgedateerde en gereelde inligting i.v.m. datums.