HOËRSKOOL WATERKLOOF

KRIEKET

Krieketdirekteur: Cobus Pienaar

Kontakbesonderhede: 012 347 7707

Die skool skryf 14 spanne vir die plaaslike Northerns-liga in. Wedstryde word in die eerste, derde en vierde kwartaal gespeel. Verskeie kriekettoere word tydens die wintervakansie onderneem. Waterkloof se 1ste span toer elke 3de jaar oorsee, ons laaste toer was in 2017 en beoog om in 2020 weer Engeland te toer.

Krieket word as ‘n vak tydens skoolure vir graad 8 en 9 aangebied. Basiese vaardighede en tegniese aspekte kry aandag. Die kurrikulum bestaan uit ‘n teoretiese en praktiese afdeling. ‘n Jaarlikse heffing is betaalbaar.

Waterkloof is ook een van die gesamentlike skole wat die jaarlikse Noord-Suid T20 aanbied vir top skole landswyd.

Oud-Klofies presteer baie goed op franchise-vlak vir die Titans, Cobras en die Lions.  Hulle vaar ook goed by die onderskeie universiteite en hou Klofies se naam hoog by die Varsitybeker.

Roelof van der Merwe was lid van die Proteaspan en speel huidiglik vir Nederland. Hardus Viljoen het sy toetsdebuut vir Suid-Afrika in 2016 teen Engeland gemaak.  Hy het ‘n graafskapkontrak by Derbyshire onderteken. Pieter Malan doen ook baie goed vir Suid-Afrika se A span en is naby aan die Toets-Span.

Die eerstespan en o.15A-span het die Gunn & Moore/Noordvaalreeks in 2017 gewen, en die 0/15A in 1018.

Waterkloof spog ook jaarliks met kriektetspelers wat Noordelikes op die Nasionale weke verteenwoordig.

Waterkloof het ook n akademie (Future Klofies) vir jong Laerskool Krieketspelers van gr 2 – gr 7. Die akademie vind Woensdae en Vrydaemiddae plaas. Vir meer inligting kontak Ruan Sadler by ruan.sadler@klofies.co.za.

*Raadpleeg asb. ons skool se toep en kommunikeerder vir opgedateerde en gereelde inligting i.v.m datums.