HOËRSKOOL WATERKLOOF

PERDRY


perdry_banier_web[4]

Kontak besonderhede:

Tel: 012 347 0277

Epos: klofiesperdry@gmail.com

Onderwyser verteenwoordigers: Juffrou Ina Davies (davies@klofies.co.za) en Annemarie Grobler (annemarie.grobler@klofies.co.za).

Facebook: https://www.facebook.com/klofie.perdry

Ruiters en hul perde word trots verteenwoordig by Klofies!  Perdry is ‘n koninklike sport en ons is baie trots op ons Klofie Ruiters!  Daar is 15 dissiplines waaraan ons ruiters deelneem:  spring, skou, dresseer, uithouritte, Western Mounted Spele, eventing en soveel meer.

Hoërskool Waterkloof staan bankvas agter perdry as sport.  Onderwysers, ouers en ruiters kom graag bymekaar om die sport te bevorder, mekaar te ondersteun en pret aktiwiteite te beplan!

Eie identiteit

Ons het ‘n unieke identiteit in die skool.  Die Waterkloof Ruiterklub het ‘n kenmerkende embleem wat op alle kommunikasie verskyn asook ons eie epos adres.   Ons het verpersoonlike Klofie perdry hemde, Klofie Numnah’s asook ‘n kwartaallikse nuusbrief “Ruiter Raport”.  Ons Facebook bladsy is ook daargestel om foto’s te deel, inligting uit te ruil of om jou te help om selfs ‘n perdewa te soek vir skoue.

Deelname aan SANESA Kompetisies

Hoërskool Waterkloof is bevoorreg om sowat 31 geregistreerde ruiters te huisves.  Die ruiters neem vir hulle skool onder die vaandel van SANESA deel wat erken word deur die SAEF -South African Equestrian Federation. Ons wys graag ons staal by die kwalifiseerders en probeer om aan soveel as moontlik klasse, soos deur SANESA beplaal, deel te neem sodat ons span maksimum punte kan kry.

Ons gee graag erkenning aan ons ruiters tydens ons jaarlikse Ruiter Afsluitingsfunksie.  Verlede jaar het elke ruiter ook merietesertifikate van prestasies ontvang en trofees is uitgedeel aan uitmuntende ruiters wat besondere hoë punte by SANESA behaal het.   Die skool gee ‘n persentasie van die jaarlikse inskrywingsgelde tydens die jaarafsluiting aan ruiters terug wat aan al die kwalifiseerders in haar/sy dissipline deelgeneem het.

 

Opedae

Ons word by die Klofie Opedag verteenwoordig en ons stalletjie is baie gewild onder voornemende Klofies! Ons het in 2015 vir hierdie voornemende ruiters ‘n spesiale opedag aangebied by Cornerstone Equestrian Centre waar ons wonderlike borge dit ‘n groot sukses gemaak het!

Word vandag nog deel van die Waterkloof Ruiterklub.

 

Ons Erekode

Ek onderneem om my te gedra soos dit pas by iemand wat die sport van konings beoefen:

  • Om die belange van my perd eerste te plaas.
  • Om my waardig binne én buite die arena te gedra wat dade, taalgebruik en kleredrag betref.
  • Om die belange van my span en skool eerste te stel en derhalwe alle reëls stip en getrou na te kom.
  • Om onbaatsugtig en hulpvaardig op te tree, opdragte uit te voer en te alle tye verskoning, in geval van afwesigheid, aan te bied.
  • Om altyd te onthou dat dit ‘n voorreg is, en nie ‘n reg nie, om aan hierdie sportsoort deel te neem.

2016 Leierskap

Ons kies elke jaar ook ‘n kaptein en onder-kaptein vir ons span:

  • Kaptein – Bianca de Jager
  • Onder-kaptein – Karla Pienaar

2016 Ruiterklub:

Tesourier:                                      Ina Davis & Annemarie Grobelaar

Voorsitter:                                         Heidi du Plessis

Sekretaresse:                                    Riana Belsten

Kommunikasie:                                 Carla de Jager

Bemarking & Borge:                        Apie du Plessis & Pine Pienaar

Spesialiste:

Core Leque                                       Heidi du Plessis

Western Mounted Games:            Annemarie Hilhorst

Endurance:                                       Riana Belsten

Eventing:                                           Tydelik – Heidi du Plessis

 

*Raadpleeg asb. ons skool se toep en kommunikeerder vir opgedateerde en gereelde inligting i.v.m datums.

 

bjNoFew