Sportklere
Die aanlyn klere-aankope en die bekendstelling van Klofies se nuwe sportkleredrag het reeds vroeg in 2020 plaasgevind. XCO is as Klofies se nuwe sportklereverskaffer aangestel. Die atletiekklere word wel deur CHASESPORT voorsien.
NEEM KENNIS dat al hierdie klere aanlyn op die Klofiebeursie (www.klofiebeursie.co.za) beskikbaar is.
Die volgende items is aanlyn beskikbaar: atletiekdrag, LO-drag en skoolsweetpakke, netbaldrag, rugbydrag, hokkiedrag, tafeltennisdrag, tennisdrag, sportsakke, boektasse, pette, kultuurdrag, ouerondersteunersdrag en flip flops.
HOE WERK DIE AANKOOPPROSES?
- U kind kan die sportklere by die Klofie-klerewinkel by die Sportburo op die skoolterrein vir die eerste aankope gaan aanpas. Daarna sal u weet watter grootte om te bestel.
- Gaan dan voort met die aanlyn bestelling en -betaling op die Klofiebeursie.
- Daar is ook verskillende afleweringsopsies beskikbaar.
‘n Paar belangrike punte wat ons onder u aandag wil bring:
- Wedstryddrag: Die meeste sportsoorte se kleredrag (seuns én dogters) lyk dieselfde. Die doel hiermee is om die aankope sover as moontlik ekonomies te maak. Dus, indien u kind netbal sowel as hokkie speel, word dieselfde wedstrydklere gedra. Dit geld ook vir al die ander sportsoorte tydens wedstryde.
- Skoolsportdrag:
- Die LO-drag (verpligtend) is ‘n gholfersnithemp asook ‘n kortbroek vir seuns en dogters. Dit is baie netjies en sal ook as ‘n uitstappiehemp vir enige aktiwiteite gedra word.
- Die skoolsweetpak sal tydens praktiese LO-periodes asook by enige buitemuurse sportaktiwiteite gedra word. Die baadjie kan ook as ‘n uitstappiebaadjie gedra word.
- Swemklere: Die nuwe swemklere word tans by die Klofie-klerewinkel verkoop.