Atletiek en Landloop

By Hoërskool Waterkloof streef ons daarna om elke atleet se talente tot sy/haar volle potensiaal te ontwikkel.  Die skool se sukses lê in die organisasie en bestuur van toegewyde en bekwame atletiekkundiges en -afrigters, onder leiding van die atletiekdirekteur, me. Bonnie Joyce. Harde werk en die ontwikkeling van elke atleet is die boustene van Klofie-atletiek. 

DOELWITTE
Die atletiekvisie by Hoërskool Waterkloof is om die nommer een atletiekskool in Suid-Afrika te wees.  Om dít te verwesenlik, is dit vir ons belangrik dat leerders atletiek moet geniet en ons wil ‘n atletiekkultuur onder atlete én ouers te skep. Ons beskik oor topafrigters in elke item en spog met topfasiliteite.  Massadeelname, asook prestasiedeelname is vir ons belangrik. Ons fokus op die fisiese, morele en psigiese ontwikkeling van elke atleet en glo dat ‘n betrokke Klofie ‘n gelukkige Klofie is.

AFRIGTING
Ons is bevoorreg om die kundigheid van die volgende afrigters aan atlete beskikbaar te stel:

• Naellope en aflos – Arno Snyman en Wouter le Roux
• Gewigstoot en diskusgooi –Riëtte Heyns en Jano Lessing
• Spiesgooi – Armand Bezuidenhout
• Hekkies – Bonnie Joyce en Duan Viljoen
• Middel- en langafstande – Alet Kieser en Suretha Muller
• Hoogspring – Jaco Labuschagne
• Ver- en driesprong – Drikus Jacobs en Carli Webber

DEELNAME
Hoërskool Waterkloof bied jaarliks die Druppel-lympics vir die graad 8-Klofies aan en die Interhuisbyeenkoms is altyd ‘n groot hoogtepunt.  Ander byeenkomste waaraan Klofies deelneem is  AHS/AHMP se vriendskaplike massabyeenkoms, die Dreyer Campbell-uitnodigingsbyeenkoms, Randburg-uitnodigingsbyeenkoms, Helpmekaar Goueliga, die A-bondinterhoër en die NWU A; B en C-bondinterhoër.  Daarna volg die SA skole- en ASA-kampioenskappe.  Die Klofies wys ook hulle staal by die Curro Podiumbyeenkoms, die TUT Top 12-byeenkoms, die NoordSuid Paarltoer, Naboom Top 10 en die NWU Top 30-byeenkoms.  Gedurende die landloopseisoen neem ons aan die ligas, Noordvaal- en SA-kampioenskappe deel. 

‘n Atletiekkamp word jaarliks aan die einde van die jaar in Durban aangebied wat vir doelgerigte oefening, asook hope pret sorg.

OEFENTYE
Die atletiekseisoen begin Maandag, 2 September 2024 en strek tot en met Maart 2025.  Atletiekoefeninge vind wel deurlopend in die voorseisoen (April – Augustus) vanaf Maandae tot Donderdae (14:20 tot 15:45), plaas.

ADDISIONELE KOSTE
Die enigste koste vir atlete is vir atletiektoere en kampe wat hulle bywoon.

ADDISIONELE KOSTE
Die enigste koste vir atlete is vir atletiektoere en kampe wat hulle bywoon.

NAVRAE
Bonnie Joyce
bonnie.joyce@klofies.co.za