E-sport

E-sport word reeds vanaf 2021 by Hoërskool Waterkloof aangebied. Die gewildheid van hierdie sport groei jaarliks. En ons mag maar spog! In die eerste twee jaar vandat E-sport by Hoërskool Waterkloof aangebied word, het ons reeds ‘n semifinaal in twee kategorieë in die Nasionale High School E-sports League, behaal. Die Overwatch 2-span het die informele kampioenskappe by die Rage Gaming Festival, aan die einde van 2022, gewen. Een van Klofies se Rocket League eerstespanspelers, Hendré de Kock, het ook einde 2021 aan ‘n interkontinentale Rocket League-toernooi deelgeneem waar hy as die algehele wenner van die suidelike halfrond aangewys is. Hendré het na afloop van hierdie toernooi ‘n oorsese reis gewen om aan die internasionale Rocket League-kampioenskappe te gaan deelneem.

Klofies se E-sport is ook baie trots om met ‘n nasionale wen vir albei sy spanne in die Counter Strike- en Rocket League-afdeling, te kan spog.

PRESTASIES

Counter Strike Global Offensive 2023 nasionale wenners van die Telkom VS Gaming-toernooi.
Rocket League 2023 nasionale wenners van die Telkom VS Gaming-toernooi.
Rage Gaming Festival 2022 Overwatch 2-toernooi-wenners.

DOELWITTE
E-sport het ten doel om dié sportsoort te wees waar leerders wat wel aan die hoofstroomsportsoorte wil deelneem, steeds die geleentheid kan kry om hulleself op nuwe gebiede uit te leef.

Ons doelwit is ook om ontwikkeling in die area te bied waar tegnologie reeds ontwikkel is waar gaming ‘n suksesvolle en winsgewende beroep vir jongmense geword het. Ons wil op die voorgrond van die vierde industriële revolusie wees en leerders blootstel en ontwikkel vir die beroepswêreld van môre.

DEELNAME
Kompetisies waaraan deelgeneem word:

Nasionale Hoërskole Liga (Februarie tot September)
Rage Gaming Festival-toernooi (November)
Noord-Suid Toernooi (Vanaf 2024)

OEFENTYE
Oefeninge vind twee keer per week aanlyn plaas. Spanne reël ondermekaar met ‘n onderwyser vir skeidsregting tydens die oefening.

Oefeninge is so geformuleer sodat leerders van die huis af op hulle eie toerusting in spanformaat kan oefen en is so geskeduleer dat dit nie inmeng met ander akademiese verpligtinge of sportsoorte nie.

SPESIALE VEREISTES

Leerders moet hulle eie gaming-toerusting besit met ‘n aanlyn netwerkfasiliteit vir oefening en deelname vanaf die huis. (Skoolgeriewe sal in die toekoms gebruik word).
Skoolbusvervoer na formele kompetisies vanaf die skool en terug, is beskikbaar.

KOSTES
Leerders betaal ‘n eenmalige jaarlikse administratiewe/deelnamefooi wat registrasie asook ‘n beginnerspakket van ‘ngaming-muis en mousepad insluit.

NAVRAE
Etienne Denysschen
etienne.denysschen@klofies.co.za