Koor

BESKRYWING
Die koor is ‘n aktiwiteit waar elkeen se individuele sangstem ontwikkel word om uiteindelik ‘n eenheid in klank te vorm.

Dit is ‘n plek in ‘n kind se ontwikkeling waar hy/sy leer om gedissiplineerd  in ‘n groot groep saam te werk, maar nie onderling in kompetisie met mekaar is nie.

DOELWITTE VIR DIE VOLGENDE DRIE JAAR
Ons streef daarna om ‘n wêreldklaskoor te wees wat met trots optree as verteenwoordigers van die skool wanneer die geleentheid hom voordoen.  Ons afrigter is nou vyf jaar by ons koor betrokke en die eerste doelwit van groei in getalle en selfvertoue is reeds bereik.  Ons neem aan kompeterende kompetisies deel en oefen doelgerig om jaarliks op nasionale vlak te presteer.  Dit bly vir ons belangrik dat die koorlede moet geniet wat ons doen.  Prestasie is ‘n uitvloeisel daarvan.

AFRIGTERS

• Dirigent – mnr. Gert Pottas – BMus Honns. en verdere opleiding in koorleiding.
• Stemafrigter – me. Elri Erwee – BMus met sang as hoofinstrument.
• Begeleier – Tertius du Plessis

KOMPETISIES/BYEENKOMSTE WAARAAN ONS DEELNEEM

• Ons neem aan verskeie koorfeeste deel – in Pretoria, Johannesburg en die Oosrand.
• Ons eie feeste is die Tres Scholarum, die Affie-derby en die Promenadekonsert.
• Kompetisies – ATKV Applous en Sing in Harmonie (Sing in Harmonie vind nie in 2023 plaas nie). Ons beoog om in die toekoms ook aan die Suid-Kaapse internasionale koorkompetisie deel te neem.

OEFENTYE

• Maandae van 16:45 tot 19:15
• Stemafrigting – Vrydae 07:15 tot 08:15 en enkele naweekoefenkampe.

SPESIALE VEREISTES
Die dirigent doen gedurende Augustus en September oudisies met graad 8- tot 11-leerders. Daar is ook in Januarie geleentheid vir leerders wat dit nie vroeër kon bywoon nie.

Graad 7’s wat voornemende Klofies is, se oudisies word by die omliggende laerskole gedoen.  Ons sing om ‘n talent uit te leef, maar ook om met die universele taal van musiek ‘n boodskap van liefde en vreugde uit te dra.

ADDISIONELE KOSTE

• Reis- en verblyfkoste vir ‘n kamp/toer.
• Koorklere – Dogters elkeen R400 per jaar vir die huur van die rokke.
• Seuns se ouers koop hulle klere self.
• Kultuurhemp

NAVRAE
Carina Taute
carina.taute@klofies.co.za