Medies & Sportwetenskap

Hoërskool Waterkloof se Departement Medies en Sportwetenskap is uitnemend in die mediese- en sportwetenskapveld. Die departement beskik oor die nuutste tegnologiese apparate en funksioneer volgens die nuuste navorsing en riglyne in verskeie velde.

Die departement se doel is om jong sportmanne en -vroue te ontwikkel tot hulle volle potensiaal en om verskeie sportspanne optimaal vir sport te kondisioneer. Daar word gefokus om enige beserings te voorkom en enige beperkings te oorkom deur die toepassing van mediese- en sportwetenskaplike beginsels.

GIMNASIUM
Die gimnasium is slegs oop vir sportleerders en nie vir algemene kliënte nie. Alle gimnasiumsessies word saam met ‘n sportwetenskaplike of biokinetikus gedoen en word vooraf in samewerking met die betrokke afrigter en sportdirekteur gereël.

Tye gedurende die week:

Oggendsessie: 06:00 tot 07:00
Middagsessie: 14:30 tot 17:00

Tydens naweke, skoolvakansies en publieke vakansiedae sal die gimnasium gesluit wees tensy anders gereël word. Tye gedurende die eksamen sal verskil en volgens die behoeftes van die betrokke sportsoorte en -spanne bepaal word.

Daar is geen koste verbonde aan die gimnasium vir leerders nie. Privaat of ekstra sessies met die biokinetikus of sportwetenskaplike kan per afspraak bespreek word.

Ekstra sessies se kostes word per afspraak met die betrokke persoon hanteer.

NAVRAE:
De Wet Terblanche
Fasehoof Sportwetenskap
Dewet.terblanche@klofies.co.za

Ineke Ribbens
Junior sportwetenskaplike
ineke.ribbens@klofies.co.za

FISIOTERAPIE
Kloof-fisio’s (Tania Le Roux Fisioterapeute) fokus op die effektiewe behandeling en vinnige herstel van alle Kloof-leerders, hetsy sportbeserings, eksamenstres of pyn as gevolg van ‘n onverklaarbare rede. Kloof-fisio’s volg ‘n holistiese benadering van elke pasiënt en werk ook noukeurig saam met die biokinetikus en afrigters van die skool.

Fisioterapeut: Tania Le Roux
Besigheidsure: Maandag tot Vrydag: 08:00 tot 16:30

Kontakbesonderhede:
Tania Le Roux
074 961 8787 (Bel of Whatsapp)
tania.fisio@klofies.co.za

BIOKINETIKUS
Jonathan Lottering
jonathanlotteringbio@gmail.com

NOODHULP
Suster Elsie van Aardt
elsie.vanaardt@klofies.co.za