Redenaars en Debat

Dit is geen geheim dat redenaars en debat leerders se selfvertroue, kritiese denke en redenasievermoë ontwikkel nie. Omdat dit ‘n vaardigheid is wat leerders in die toekoms gaan gebruik, wil ons graag soveel moontlik leerders die geleentheid gee om hierdie vaardighede te ontwikkel. Daarom neem ons aan verskeie redenaars-en debatskompetisies deel. Ons neem aan die voorbereide, onvoorbereide, individuele, span-, Afrikaanse en Engelse afdelings deel. Hoërskool Waterkloof presteer jaarliks by die volgende kompetisies:

• ATKV-redenaars
• Van Huyssteens Oratorsfees
• Oppie Tong Af-redenaars
• ATKV-debat
• Dink-of-Sink onvoorbereide debat
• Onvoorbereide debatinterhoër

Vir meer inligting kan leerders gerus ‘n draai by juffrou Annuska Pretorius in T15 maak. Ons sien met groot opgewondenheid daarna uit om nuwe Klofies by die Klofie-redenaars en -debat te sien.