Rolbal
ROLBAL is ‘n sportsoort wat al vanaf 2019 by Hoërskool Waterkloof aangebied word. Dié sportsoort se getalle wissel elke jaar, maar daar is ongeveer 40 Klofies wat tans aktief aan dié sportsoort in 2023 deelneem.
Klofies spog dat in die eerste jaar wat dit plaasgevind het, hulle beide die A- en B-ligas kon inpalm. In die laaste vier jaar het Klofies ook reeds 14 Gauteng-Noord spelers opgelewer.
PRESTASIES
- Die Gauteng-Noord skole se A- en B-liga trofeë se staanplek is by Klofies.
- Die senior Gauteng-Noord skole o.18-kampioen trofeë staan by Klofies en
- Die junior Gauteng-Noord skole o.15-kampioentrofeë staan ook by Klofies!
DOELWITTE
Rolbal het ten doel om dié sportsoort te wees waar leerders wat nie aan die hoofstroomsportsoorte wil deelneem nie, wil deelneem om nuwe geleenthede te kry en hulself op nuwe gebiede uit te leef.
‘n Samewerkingsooreenkoms met Wingate Rolbalklub in Moreletapark bied aan Klofies die geleentheid om nog hoër hoogtes tydens en na skool te bereik.
Die betrokke afrigters is gesoute en erkende afrigters in Bowls Gauteng North en hulle werk baie hard om die Klofies die fynere kunsies van rolbal aan te leer.
DEELNAME
Kompetisies waaraan deelgeneem word:
- Pretoria skole se stadbekerliga (Augustus)
- Interne pare kompetisies
- Interne enkelsklubkampioenskappe
- Gauteng-Noord skole individuele toernooi
- Gauteng-Noord bied ook verskeie toernooie vir die jeug aan.
OEFENTYE
Maandae: 14:30 tot 16:00 te Wingate rolbalbane
Woensdae: 15:30 tot 17:00 te Wingate rolbalbane
SPESIALE VEREISTES
- Balle word aan die begin aan leerders voorsien om te sien of hulle die sportsoort wil beoefen.
- Skoolbusvervoer na Wingate rolbalbane is beskikbaar en ouers laai leerders na afloop van oefening by die baan op.
KOSTES
Alle jeugregistrasies is gratis by Wingate klub, Bowls Gauteng North en Bowls South Africa.
NAVRAE
Muller van der Nest
muller.vandernest@klofies.co.za
Etienne Denysschen
etienne.denysschen@klofies.co.za