Tafeltennis

Kontakpersoon: Simone Botes

Kontakbesonderhede: 012 347 0277

Tafeltennis het reeds reuse treë gegee om as een van die gewildste sportsoorte by Hoërskool Waterkloof te ontwikkel. Nou maar slegs in die tweede jaar het tafeltennis op die voorgrond getree met twee puik seisoene waarin dié sportsoort gegroei het tot ‘n maksimum kapasiteit wat deur Gauteng-Noord toegelaat word.

Om tafeltennisspelers die geleentheid te gun om te verbeter word ervare en bekwame afrigters betrek. Gedurende 2019 is mnr. Omar Zainedin as afrigter aangestel wat deur mnr. Motaz Zainedin bygestaan is. Mnr. Omar is tans een van die SA-skolespanne se afrigters wat reeds baie waarde tot hierdie sport toevoeg.

Om die sportsoort onder die leerders te bemark word graadkompetisies gedurende die skoolkwartaal gehou waar elke graad se kampioen bepaal word. Die graadkampioene speel dan teen mekaar om die algehele skoolkampioen te bepaal.